Protesta e opozitës, Eljo Hysko shprehet: Tragjikomedia me Babalen po përfundon me qyfyre

0
281

Në takimin e zhvilluar në Qarkun e Lezhës ku u prezantua Plani i Veprimit të FRESSH për vitin 2018-2019, Kryetari i këtij forumi Eljo Hysko vuri në dukje reformën në drejtësi si një nga përpjekjet serioze për ndërtimin e shtetit ligjor në Shqipëri.
Në fjalën e saj Ministrja e Arsimit dhe Sportit Lindita Nikolla shprehu mbështetjen për FRESSH dhe nismat më të fundit që të rinjtë kanë ndërrmarë në fushën e edukimit.
Ndërsa deputeti i Lezhës Pjerin Ndreu përgëzoi përgatitjen e të rinjve dhe mbështeti objektivat e forumit për rritjen e anëtarësisë.

Gjatë fjalës së tij Hysko theksoi faktin se Plani i Veprimi të FRESSH është një mekanizëm që promovon të rinjtë, duke i dhënë mundësinë atyre që të dëgjohen.

Gjithashtu ai nuk kurseu as tonet ironike kundrejt opozitës duke i’u referuar çështjes së audio-përgjimeve. Hysko u shpreh se kjo gjë nisi si një skandal e përfundoi si qyfyre.

“Nesër do të mbahet një protestë e cila nisi si një skandal dhe që përfundoi si një qyfyre, e cila nisi si një dramë e sot është një tragjikomedi me Babale dhe Lulebale. Jam i bindur që nesër do të ketë dhe demokratë të administratës së Bashkisë Lezhë që do të jenë të pranishëm, atyre dhe çdo qytetari që ende mjerisht i beson duhet t’i bejmë disa pyetje…
A do të vazhdojmë ti japim forcë dhe zë një grupi njerëzish që kanë frike nga drejtesia apo do të mbështesim reformën në drejtësi?
Do të luftojmë për Babalen apo do të luftojmë për integrimin?
Do të bazojmë angazhimin politik mbi shpifje dhe sajesa apo do të merremi me reforma dhe qeverisje më të mirë?
Këtë duhet të bëjmë në shkolla të mesme e universitete, në qytet e në fshat, kudo ku kemi të rinj. Më të shumtë edhe se vitin e shkuar, do të kemi mundësi ti tregojmë atyre që mendojnë se mund të mbajnë peng vendin se nuk kanë më vend në politikën shqiptare, se tradhëtitë e dëmet që u bën Shqipërisë nuk mund ti kalojnë aq lehtë”, është shprehur Eljo Hysko në fund të fjalës së tij.

PËRGJIGJU

Please enter your comment!
Please enter your name here